Eiður horfði á Tottenham fara upp í fjórða sætið

Eiður Smári Guðjohnsen var ónotaður varamaður þegar Tottenham skaust upp í fjórða sæti ensku úrvalsdeildarinnar með 3-0 útisigri gegn Wigan.

Jermain Defoe skoraði fyrsta mark leiksins á 27. mínútu en það átti reyndar aldrei að standa þar sem Defoe var rangstæður.

Varamaðurinn Roman Pavluychenko innsiglaði svo sigurinn með tveimur mörkum seint í leiknum.

Tottenham er í fjórða sæti, með 46 stig eins og Manchester City en betri markatölu. Liverpool og Aston Villa hafa 45 stig.