Michael Owen tryggði United stig gegn Bolton

Þriðja jafntefli Manchester United á útivelli á þessari leiktíð varð staðreynd í dag þegar liðið gerði 2-2 jafntefli við Bolton. Sanngjörn niðurstaða.

Zat Knight kom Bolton yfir eftir aðeins sex mínútna leik en Nani jafnaði 1-1 eftir einleik. Staðan var þannig í hálfleik.

Bolton endurheimti forystuna þegar Martin Petrov skoraði laglegt mark en Michael Owen jafnaði 2-2 eftir að hafa komið inn sem varamaður og urðu það úrslit leiksins.

Wayne Rooney hélt áfram að vera lélegur og var tekinn af velli snemma í seinni hálfleik. Dimitar Berbatov náði sér heldur ekki á strik í dag.