Gunnlaugur hættur hjá Val

Gunnlaugur Jónsson verður ekki áfram þjálfari Vals í Pepsi-deild karla samkvæmt heimildum Vísis.

Friðjón R. Friðjónsson, formaður knattspyrnudeildar Vals, segir að tilkynning verði send út um þjálfaramál Vals nú síðar í kvöld.

Gunnlaugur var ráðinn til Vals síðastliðið haust en undir hans stjórn varð liðið í sjöunda sæti deildarinnar sem lauk nú um helgina. Valur tapaði fyrir Haukum í lokaumferðinni, 2-1.

Fyrr í sumar sögðu þrír sig úr stjórn knattspyrnudeildar Vals, þeirra á meðal þáverandi formaður, vegna ósættis um þjálfaramál að því er talið.