Ancelotti: Erum að spila PlayStation fótbolta

Carlo Ancelotti, knattspyrnustjóri Chelsea, er himinlifandi sem byrjun liðsins í ensku úrvalsldeilinni og segir að liðið sé að spila "PlayStation fótbolta".

Chelsea hefur farið hamförum í fyrstu tveimur umferðunum í ensku deildinni og unnið báða leiki sína 6-0. Í gær niðurlægðu þeir Wigan á útivelli og er það eitthvað sem kætir Ítalann Ancelotti.

„Það er ekki hægt að hugsa til þess að við séum að fara að skora sex mörk í hverjum leik, þetta er ekki fótbolti, þetta er PlayStation," segir Ancelotti sem er á sínu öðru ári með Chealsea og gerði þá að Englands- og bikarmeisturum síðasta vor.

„Við erum að reyna að spila sama fótbolta og á síðasta tímabili. Við höfum unnið tvo leiki, leikið góðan fótbolta og skorað fullt af mörkum. Okkar helsti kostur er að við náum að sækja með frábærum skyndisóknum. Þegar við höfum tíma og svæði þá er erfitt fyrir andstæðinginn að ráða við okkur."