City fylgist með málum Behrami

Enska blaðið The Telegraph segir að David Sullivan, annar eiganda West Ham, hyggist selja svissneska landsliðsmanninn Valon Behrami í sumar.

Gianfranco Zola, stjóri Hamrana, var búinn að gefa það út að hann vildi halda Behrami sem á þrjú ár eftir af samningi sínum. Behrami lýsti yfir áhuga á að vera áfram hjá félaginu.

Behrami var búinn að komast að samkomulagi um nýjan fimm ára samning og aðeins átti eftir að ganga frá undirritun. Samkvæmt The telegraph ákvað West Ham hinsvegar að draga samninginn til baka við litla hrifningu Zola.