Hneyksli skekur bresku krúnuna

Enn eitt hneykslið skekur nú bresku krúnuna eftir að hertogaynjan af York, Sarah Ferguson, var gómuð af rannsóknarblaðamanni þar sem hún krafðist rúmlega 90 milljóna króna fyrir að koma honum í samband við Andrew prins, fyrrverandi eiginmann sinn. Hertogaynjan hélt að blaðamaðurinn frá News of the World væri auðugur viðskiptajöfur.

Á myndbandi sést hvar hún tekur tölvutösku sem á að innihalda rúmar sjö milljónir króna sem fyrirframgreiðslu. Hún segir prinsinn hafa stungið upp á þessari upphæð en hann þurfi að sjá um hana vegna þess að hún sé í fjárþörf. Síðan segist hún geta opnað ýmsa möguleika fyrir manninn. Restina af fjárhæðinni talar hertogaynjan að hún vilji fá inn á eigin bankareikning.