Liverpool búið að bjóða 9 milljónir punda í Ola Toivonen?

Liverpool hefur lagt fram tilboð í sænska sóknarmanninn Ola Toivonen. Þetta segir Sky fréttastofan í dag.

Tilboðið ku hljóða upp á níu milljónir punda en sá sænski er á mála hjá PSV Eindhoven í Hollandi. Hann er 24 ára gamall en reyndar var talið að Roy Hodgson hefði misst áhugann eftir að hann spilaði með PSV í Evrópukeppninni í vikunni.

Svo virðist ekki vera.

Toivonen er lýst sem sterkum og teknískum framherja sem er frábær skallamaður og mjög skotviss. Hann getur spilað sem fremsti maður eða framliggjandi miðjumaður.

Faðir hans er frá Finnlandi sem skýrir mjög "finnskt" eftirnafn hans.

Toivonen lék áður með Deferfors, Örgryte og Malmö í Svíþjóð.