Paul Hart tekur við Crystal Palace

Paul Hart er nýr knattspyrnustjóri Crystal Palace. Liðið er í fallbaráttu ensku 1. deildarinnar en liðið er í greiðslustöðvun og 10 stig voru dregin af því fyrr í vetur.

Hart er fyrrum stjóri Chesterfield, Nottingham Forest, Barnsley, QPR og Portsmouth en þessi 56 ára stjóri tekur við af Neil Warnock sem ráðinn var til QPR í gær.

Hart skrifar undir samning út tímabilið en þetta er þriðja liðið sem hann stýrir á tímabilinu. Dougie Freedman verður aðstoðarmaður Hart en Freedman er goðsögn í augum stuðningsmanna Crystal Palace.