Meirihlutinn vill nýjan Icesave samning

Tæp 67% landsmanna vilja að ríkisstjórnin felli Icesave lögin úr gildi og semji upp á nýtt við Breta og Hollendinga frekar en þjóðaratkvæðagreiðslu um málið. Þetta kemur fram í skoðanakönnun Capacent Gallup og greint var frá í seinnifréttum Ríkissjónvarpsins.

Í sömu könnun kemur fram að 53% landsmanna vilja samþykkja Icesave lögin í þjóðaratkvæðagreiðslu. Þrátt fyrir það vilja mun fleiri að ríkisstjórnin felli lögin úr gildi og hefji nýjar viðræður. Það væri vænlegra fyrir þjóðarhag.

Guðbjörg Andrea Jónsdóttir, rannsóknarstjóri Capacent Gallup, segir að þetta þurfi ekki endilega að stangast á. Niðurstaðan sýni að þjóðaratkvæðagreiðsla væri ekki aðalmálið í huga fólks.