Þeir eru komnir

Vísindamenn við Geimrannsóknadeild búlgörsku Vísindaakademíunnar segja að geimverur séu nú þegar meðal jarðarbúa og fylgist vel með því hvað maðurinn sé að gera.

Þeir segjast hafa lagt fyrir geimverurnar þrjátíu spurningar sem þeir bíði nú svars við.

Lachezar Filipov aðstoðarforstjóri Geimrannsóknadeildarinnar hefur staðfest þetta í viðtölum við fjölmiðla.

Filipov segir að geimverurnar séu ekki fjandsamlegar okkur, þvert á móti vilji þær hjálpa okkur. Maðurinn sé hinsvegar ekki nógu þróaður til þess að ná sambandi við þær.

Hann segir að ekki sé hægt að ná sambandi við geimverurnar með útvarpsbylgjum heldur með hugsanalestri og flutningi.

Filipov segir ennfremur að vísindamennirnir séu að rannsaka eitthundrað og fimmtíu akur-hringi víðsvegar um heiminn. Þeir telja að í þeim sé svör að finna.