Innlent

Hálfs árs fangelsi fyrir að lemja Bödda í Dalton

Böðvar Rafn Reynisson söngvari Dalton.
Böðvar Rafn Reynisson söngvari Dalton.

Karlmaður sem sló Böðvar Rafn Reynisson söngvara hljómsveitarinnar Dalton í höfuðið með flösku eða glasi á balli á Höfn í Hornafirði í mars á síðasta ári var dæmdur í sex mánaða skilorðsbundið fangelsi í Héraðsdómi Austurlands í dag. Honum var einnig gert að greiða Böðvari 300.000 krónur í skaðabætur.

Vísir sagði frá árásinni á sínum tíma en flogið var með Böðvar til Reykjavíkur í sjúkraflugi þar sem gert var að sárum hans. Sauma þurfti í hann fimmtíu spor en hann hafði þá misst um tvo lítra af blóði.

Maðurinn sagðist ekki muna eftir árásinni fyrir dómi en játaði að hafa slegið Böðvar í höfuðið. Það gerði hann þar sem vitni sem hann þekkir höfðu líst fyrir honum atvikum og dróg hann þær lýsingar ekki í efa.

Þrátt fyrir árásina kom Böðvar fram á dansleik á Egilsstöðum kvöldið eftir árásina.

Manninum var einnig gert að greiða málsvarnalaun verjanda Böðvars.






Tengdar fréttir

Böddi í Dalton ber sig vel eftir árás

"Ég var útskrifaður af sjúkrahúsinu klukkan 12 á laugardeginum. Á miðnætti var ég kominn upp á svið á Neskaupstað með hljómsveitinni," segir Böðvar Rafn Reynisson, söngvari hljómsveitarinnar Dalton, sem varð fyrir hrikalegra árás aðfaranótt laugardagsins á Höfn í Hornafirði.

Söngvari Dalton varð fyrir lífshættulegri árás

Böðvar Rafn Reynisson, söngvari kántríhljómsveitarinnar vinsælu Dalton, varð fyrir lífshættulegri árás á Höfn í Hornafirði aðfaranótt laugardags. Að sögn vitna var Böðvar sleginn aftan frá með flösku eða glasi með þeim afleiðingum að hann hlaut djúpan skurð á hálsi.

Ellefu bilaðir bílar, ónýtar græjur og líkamsárás

„Við þorum ekki að kaupa okkur flugvél. Það er á tæru," segir Böðvar Rafn Reynisson, söngvari Dalton. Á því ári sem hljómsveitin hefur starfað hefur hún farið í gegnum ellefu bíla og græjur eyðilagst í gríð og erg. Botninum var svo náð um páskana, þegar söngvarinn var skorinn á háls og kviknaði í hljómsveitarrútunni.

Eldur kom upp hjá óheppnustu hljómsveit Íslands

Eldur braust út í hljómsveitarrútu hljómsveitarinnar Dalton í morgun. Þegar eldurinn kom upp stóð rútan fyrir utan Verslunarskóla Íslands en þar inni var hljómsveitin að skemmta í morgun. Slökkviliðið kom á vettvang og náði stjórn á eldinum og forðaði því að mikill skaði yrði að völdum hans.

Engin líkamsáras, bíllinn heill, en hljóðkerfið ekki

Öllum að óvörum lifðu allir meðlimir Dalton, óheppnustu hljómsveitar landsins, af eins árs afmælistónleika sveitarinnar á Players á föstudaginn. „Við komumst uppeftir, og bíllinn bilaði ekki," segir Böðvar Rafn Reynisson söngvari sveitarinnar, en bætir við að gamanið hafi kárnað þegar á staðinn var komið. „Í fyrsta laginu sló öllu hljóðkerfinu út," segir Böðar. Korter tók að finna út hvað hefði klikkað, en það reyndist vera bilað fjöltengi. Því var kippt í lag, en þá datt mónitorkerfið líka út.

Mest lesið


Fleiri fréttir

Sjá meira


×

Mest lesið