Rihanna og Brown með kynlífsmyndband

Rihanna óttast nú að kynlífsmyndband sem hún er sögð hafa gert með fyrrverandi kærasta sínum Chris Brown verði gert opinbert. Samkvæmt heimildum bandaríska tímaritsins Star eru Chris Brown og Rihanna ekki saman sem stendur þrátt fyrir að hafa tekið aftur saman eftir að Brown réðst á hana í síðasta mánuði.

Umrætt kynlífsmyndband er meðal annars sagt sýna Rihönnu og Chris Brown stunda hlutverkaleiki, en heimildamaður Star segir þau hafa verið ófeimin í kynlífinu. Verði myndbandið opinbert verður það ekki það fyrsta sinnar tegundar því Paris Hilton, Pamela Anderson, Colin Farell og Tom Sizemore hafa öll sést á slíkum upptökum.