Upprunalegi Karate strákurinn til hjálpar

Endurgera á hina klassísku mynd um Karate kid og er það Will Smith sem framleiðir myndina.

Sonur hans, Jaden Smith fer með aðalhlutverkið og fékk Will Smith upprunalega karatestrákinn, Ralph Maccio til að veita syni sínum ráðleggingar varðandi hlutverkið.

Ralph segist hafa liðið eins og Yoda að gefa ungum Loga geimgengli ráðleggingar.

Hann játar ennfremur að hafa brugðist illa við fréttunum af endurgerð myndarinnar og hafi ekki viljað neitt með hana hafa í fyrstu en sé jákvæðari núna.

Ralph Maccio, sem nú er 48 ára, lék í þremur myndum um Karatestrákinn en hann sást síðast í aukahlutverki í tveimur þáttum Ljótu Betty.

Jackie Chan mun leika herra Miyagi, aldraða læriföðurinn sem kennir karatestráknum listina.