370 farþegar jumbóþotu strandaglópar á Íslandi

Farþegar og áhöfn ísraelskrar Boeing 747 Jumbóþotu, samtals 370 manns, biðu um borð í vélinni á Keflavíkurflugvelli í röskar fimm klukkustundir fram á kvöld í gær, áður en fólk fékk loks að yfirgefa vélina.

Hún var á leið til Bandaríkjanna , þegar reykur fannst í farþegarými og ákveðið var að lenda í Keflavík. Engin eldur reyndist vera í vélinni og var vonast til að viðgerð tæki skamma stund, en hún dróst á langinn.

Greiðlega gekk að vista fólkið á hótelum í Reykjanesbæ og á höfuðborgarsvæðinu og er vonast til að fólkið geti haldið för sinni áfram í dag.