Bílbruna á Laufásvegi svipar til hommaofsókna - myndband

Af öryggismyndum af dæma virðist sem brennuvargarnir sem kveiktu í Range Rover á Laufásvegi í fyrrinótt, hafi haft hraðar hendur. Ekki verður loku fyrir það skotið að hugmyndina hafi þeir fengið í myndbandi sem finna má á internetinu, þar sem kveikt er í samskonar bíl.

Kveikt var í hvítri Range Rover bifreið á Laufásvegi í fyrrinótt en bifreiðin er í eigu Stefáns Hilmarssonar, fyrrum fjármálastjóra Baugs, og konu hans Friðriku Geirsdóttur, fjölmiðlakonu. Friðrika taldi í fyrstu að kviknað hefði í bílnum útfrá rafmagnsbilun en Lögreglan telur nokkuð ljóst að kveikt hafi verið í bílnum eftir að hafa skoðað öryggismyndavélar á Laufásvegi.

Á internetinu má sjá myndband af því þegar maður kemur hjólandi og nær á örskammri stundu að kveikja í Range Rover bifreið sem lagt hefur verið á bílaplani. Maðurinn hellir eldfimu efni ofan í vélina með því að hella ofan í loftræstiop fyrir framan framrúðu bílsins. Gjörningur var hluti af hommaofsóknum.

Myndbandið má sjá með þvi að smella hér.