Íslenskir lögreglumenn norðulandameistarar í golfi

Íslenskir lögreglumenn sigruðu norðurlandamót lögreglumanna í Golfi í Danmörku í lok síðustu viku samkvæmt tilkynningu á fréttavef lögreglunnar.

Keppt var á Rold Skov golfvellinum nálægt Hobro á Jótlandi.

Þar kepptu fyrir hönd Íþróttasambands Lögreglumanna, ÍSL, þeir Friðrik K. Jónsson og Óskar Halldórsson, lögreglunni á Suðurnesjum, Hörður Sigurðsson og Sigurður Pétursson lögreglunni á höfuðborgar-svæðinu, Birgir Már Vigfússon frá embætti ríkislögreglustjóra og Sigurbjörn Þorgeirsson lögreglunni á Eyjafjarðarsvæðinu.

Sigurbjörn Þorgeirsson sigraði á mótinu á 150 höggum, eða 6 yfir pari. Annar varð Sigurður Pétursson á 158 höggum og deildi því þriðja sætinu með sænskum lögregluþjóni.

Þá varð Birgir Már Vigfússon á 159 höggum. Hörður Sigurðsson varð í 7 sæti ásamt tveimur öðrum á 175 höggum.

Þessir aðilar mynduðu síðan sveit Íslands sem sigraði í sveitakeppninni með nokkrum yfirburðum á 642 höggum næstir komu Svíar á 672 höggum. Yfirburðir íslensku lögregluþjónanna reyndust miklir.

Veður var frekar óhagstætt fyrri daginn, talsvert rok.