Innlent

Lagaprófessor telur líklegt að fallist verði á lögbann

Hafsteinn Gunnar Hauksson skrifar
Sigurður Líndal lagaprófessor
Sigurður Líndal lagaprófessor Mynd/Pjetur

Sigurður Líndal, lagaprófesor, telur líklegt að fallist verði á lögbannskröfu Kaupþings, þó hann þori ekki að fullyrða um það. Kaupþing hefur farið fram á lögbann til að stöðva birtingu upplýsinga úr glærum um skuldunauta bankans.

Hann segist togast á í málinu mismunandi hagsmunir; bankaleynd annarsvegar og upplýsingafrelsi og almannahagur hinsvegar.

Lögbann er bráðabirgðaaðgerð sem sýslumaður tekur ákvörðun um og myndi, að mati Sigurðar, ná til allra fjölmiðla á landinu. Lögbannið stendur í viku, en þá þarf að höfða staðfestingarmál fyrir dómstólum sem skera úr um lögmæti birtingar upplýsinganna.

Þar til lögbannið tekur gildi er ekkert sem hindrar fjölmiðla og aðra í að miðla upplýsingum upp úr yfirlitsglærunum, annað en þau viðurlög sem þeir eiga hugsanlega von á.

Verði lögbann samþykkt sé hinsvegar hægt að kalla til lögreglu til að framfylgja því og hugsanlega veita sektir.


Tengdar fréttir

Kaupþing fer fram á lögbann

Ríkisútvarpinu hefur verið tilkynnt um að væntanleg sé lögbannsbeiðni frá Kaupþingi til að stöðva frekari birtingu upplýsinga úr leyniglærum Kaupþings um skuldunauta bankans, að því er fram kemur á fréttavef RÚV.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.