Umfjöllun: Þróttur kvaddi með sigri í arfadöprum leik

Þróttur kvaddi Pepsi-deildina með því að sigra Fram á Laugardalsvelli í dag. Leikurinn hafði ekkert vægi og andrúmsloftið eins og um æfingaleik hafi verið að ræða.

Sam Malson skoraði eina mark leiksins í fyrri hálfleik fyrir framan örfáar hræður sem ákváðu að bregða sér á völlinn. Veðrið var hroðalegt og minnti Vetur konungur heldur betur á sig.

Leikmenn liðanna voru ekki öfundsverðir af því að spila í þessu roki og kulda en um tíma snjóaði á leikmenn liðanna. Vonandi verður veðrið skárra eftir viku þegar Framarar leika bikarúrslitaleik gegn Breiðabliki á sama velli.

Þorvaldur Örlygsson hvíldi þá leikmenn sem voru í spjaldahættu fyrir bikarúrslitaleikinn og þá tók Jón Guðni Fjóluson út leikbann í dag. Þróttarar voru mun sterkari í fyrri hálfleik og höfðu verðskuldað forystu þegar flautað var til hálfleiks.

Meira jafnræði var í seinni hálfleik en virkilega fátt um fína drætti og þessi fótboltaleikur í einu orði sagt ferlegur.

Þetta var síðasti leikur Þróttar undir stjórn Þorsteins Halldórssonar sem var ekki boðið að halda áfram með liðið. Með sigrinum lyfti Þróttur sér úr neðsta sætinu og endaði í 11. sæti, Framarar luku leik í 4. sætinu.

Fram - Þróttur 0-1

0-1 Sam Malson (45.)

Áhorfendur: Rétt yfir 100 líklega.

Dómari: Einar Örn Daníelsson 7

Skot (á mark): 6-12 (4-6)

Varin skot: Hannes 3, Ögmundur 2 - Sindri 4

Horn: 7-6

Aukaspyrnur fengnar: 11-9

Rangstöður: 3-3

Fram (4-4-2)

Hannes Þór Halldórsson 5

(46. Ögmundur Kristinsson 5)

Heiðar Geir Júlíusson 5

Jón Orri Ólafsson 4

Auðun Helgason 5

Josep Tillen 5

Hlynur Atli Magnússon 6

Paul McShane 5

Almarr Ormarsson 4

Hjálmar Þórarinsson 3

Ívar Björnsson 3

(46. Hörður B. Magnússon 4)

Guðmundur Magnússon 5

(84. Rúrik Andri Þorfinnsson -)

Þróttur (4-4-2)

Sindri Snær Jensson 6

Jón Ragnar Jónsson 5

Dennis Danry 6

Dusan Ivkovic 6

Þórður Steinar Hreiðarsson 7* - Maður leiksins

Hafþór Ægir Vilhjálmsson 6

(71. Kristján Ómar Björnsson -)

Rafn Andri Haraldsson 5

Oddur Ingi Guðmundsson 5

Oddur Björnsson 4

(84. Birkir Pálsson -)

Andrés Vilhjálmsson 5

(87. Ingvi Sveinsson -)

Sam Malson 7

Smelltu hér til að opna Boltavaktina og lesa lýsingu leiksins: Fram - Þróttur.