Bale hraunar yfir ljósamann

Leikarinn Christian Bale er nú við upptökur á kvikmyndinni Terminator 4 og virðist ekki alveg vera í jafnvægi ef marka má nýjustu fréttir af setti. Í hljóðupptöku sem finna má á youtbe vefnum má heyra Bale hreinlega missa sig yfir ljósamann.

Orðbragðið á leikaranum er vægast sagt rosalegt og hann er allt annað en ánægður með framkomu ljósamannsins. Svo virðist sem ljósamaðurinn, Bruce, hafi gengið inn í atriði með Bale þegar hann var að athuga með ljóskastara.

Bale er allt annað en sáttur með þennan „göngutúr" ljósamannsins og lætur hann heyra það.

Heyra má upptöku af atvikinu hér.