Heimir Hallgrímsson: Meira jákvætt en neikvætt í sumar

"Það er miklu meira jákvætt en neikvætt á þessu tímabili hjá okkur. Það er ömurlegt að enda þetta svona og fá þrjú mörk á okkur á fjórum mínútum. Það var ömurlegt að horfa upp á þetta. Leiðinlegur endir á annars ágætu tímabili. Við náðum okkar markmiðum og við byggjum ofan á það," sagði Heimir

"Það var jafn lítið í húfi fyrir okkur og Keflavík en þeir nýtt sér okkar aulaskap. Þeir áttu þetta skilið í dag. Það var erfitt einbeita sér fyrir þetta en peyjarnir ætluðu að reyna það en gleymdu sér í fjórar mínútur. Þetta var einbeitingarskortur og menn í rauninni komnir í fríið."

"Það hefur ekkert annað verið rætt en að ég verði áfram en við skoðum okkar mál núna. Þetta lið á helling inni. Þarna er mikið af ungum strákum og það er mikil vinna framundan hjá okkur að efla þennan hóp. Það býr mikið í þessum hóp og það var miklu meira jákvætt en neikvætt í sumar hjá ÍBV. Það var fínn stígandi í þessu þrátt fyrir, 6-1, tap í dag," sagði Heimir að lokum.