Ólafur: Hefðum átt að vinna

Ólafur Þórðarson segir að sínir menn í Fylki hefðu átt skilið að vinna leikinn gegn FH í dag en honum lauk með 1-1 jafntefli.

„Mér er efst í huga eftir þennan leik að við hefðum átt að vinna. Við vorum betra liðið en misnotuðum flest þau færi sem við fengum. En þegar uppi er staðið var allt í lagi að gera jafntefli í þessum leik enda breytir það litlu hvað heildarniðurstöðuna varðar."

Hann er einnig sáttur við sumar Fylkismanna. „Þetta var að mörgu leyti gott sumar en þó titillaust. Við settum okkur það markmið að vera í hópi fjögurra efstu liðanna og það tókst. Við viljum halda áfram og byggja á því sem vel gekk í sumar."