Erlent

Obama tók einkaþotu af Citibank

Óli Tynes skrifar
Kvurn langar sosum ekki í eina sona ?
Kvurn langar sosum ekki í eina sona ?

Bankastjórn Citibank leist sérlega vel á nýju Falcon 7X einkaþotuna. Þrír hreyflar, tólf leðursæti, flottur eikarbar og eldhús og hægt að fljúga í einum áfanga til Saudi-Arabíu.

Þeir plonkuðu því fimm komma sjö milljörðum króna á borðið og pöntuðu eina.

Segir nú af Barack nokkrum Obama sem veitir forstöðu ríkisstjórn sem nýlega skóflaði fimmþúsundeitthundraðsextíuogeinum milljarði króna í Citibank til þess að hann færi ekki á hausinn.

Obama þessi býr í hvítu húsi í Washington. Úr hvíta húsinu var hringt í Citibank. Bankastjórn Citibank er hætt við að kaupa sér flugvél.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.