Icesave-samningur undirritaður í nótt

„Það verður skrifað undir í nótt," segir Birgitta Jónsdóttir, þingkona Borgarahreyfingarinnar um samninginn varðandi Icesave. Samningurinn verður hinsvegar lagður fyrir þing, að öllum líkindum eftir helgi.

Það verður að öllum líkindum Steingrímur J. Sigfússon sem mun undirrita samninginn nú í nótt en blaðamannafundur um nákvæmt innihald samningsins verður birt á morgun.

Það er þó ljóst samkvæmt fréttum dagsins að með undirritun og að gefnu samþykki Alþingis, þá mun ríkisstjórnin gangast í ábyrgð fyrir 640 milljarða skuld. Lánið yrði þá greitt upp á átta árum. Greiðslur hefjast árið 2015.

Vextir verða 5.5 prósent sem eru um 34 milljarði á mánuði.