Lokað vegna veðurblíðu

Pósthússtræti verður lokað vegna veðurblíðu í dag og um helgina. Pósthússtrætinu hefur iðulega verið lokað í sumar á góðum dögum, sem hluti af Grænu skrefunum í Reykjavík.

Að því er fram kemur í tilkynningu frá umhverfissviði Reykjavíkurborgar hefur lokun götunnar í blíðviðri lagst vel í bæði gangandi vegfarendur og þá sem reka veitingahús umhverfis Austurvöll.

„Góð stemmning skapast á Austurvelli þegar veður er gott og á lokun Pósthússtrætis að styðja þá stemmningu með því að girða fyrir bílaumferð sem tekur rými, veldur óþarfa hávaða og mengun," segir jafnframt í tilkynningunni.