Þrír bílar af skjölum til Ísafjarðar

Skjöl sem safnast hafa upp á 22 árum hjá embætti Ríkissaksóknara voru í gær ferjuð úr húsakynnum Ríkissaksóknara við Hverfisgötu í þrjá flutningabíla. Bílarnir munu síðan flytja skjölin til Ísafjarðar, þar sem þau verða framvegis geymd á vegum Þjóðskjalasafns.

„Þetta er búið að valda okkur vandræðum lengi og þrengja að okkur auk þess sem þetta eru alls ófullnægjandi geymsluaðstæður,“ segir Valtýr Sigurðsson ríkis­saksóknari. Gögn frá árunum 1981 til 2003 verða send til Ísafjarðar, en verða embættinu þó áfram aðgengileg. - sh