Aðdáendur Ásdísar á Facebook

Stofnuð hefur verið aðdáendasíða á Facebook tileinkuð fyrirsætunni Ásdísi Rán Gunnarsdóttur. Á annað hundrað einstaklingar eru nú skráðir í grúppuna. ,,Ásdís er fáránlega heit. Ef þú ert sammála ættir þú að gerast meðlilmur. Ef ekki ertu annað hvort hommi eða öfundsjúkur," segir á síðunni.

,,Ég held þeir séu núna komnir með umsjónarmenn í nokkrum löndum og stækkar stöðugt. Þetta er nú svona aðallega að gamni gert en mér þætti voða gaman að sjá sem flesta sem bara hafa áhuga á að styðja við bakið á mér og hvetja mig áfram í því sem ég er að gera Svo ef þið eigið Facebook reikning þá "Be there or be squere". Takk strákar þetta er geðveikt sætt af ykkur," segir Ásdís á bloggsíðu sinni.

Ásdís er gift Skagamanninum Garðari Gunnlaugsson sem skrifaði undir þriggja ára samning við búlgarska liðið Lokomotiv Sofia á seinasta ári þar sem þau hjón eru nú búsett.

Frá því hafa búlgörsk slúðurblöð ítrekað fjallað um fyrirsætuna og fótboltakappann.