50 ára í fáránlega góðu formi

„Takk fyrir það. Það er óumflýjanlegt. Svona er að lifa hollu og heilbrigðu lífi," svarar Þorgrímur Þráinsson þegar Vísir óskar honum til hamingju með fimmtugsafmælið í dag og líkamlegt gott ásigkomulag. 

Hvernig ferðu að því að vera fimmtugur í fantaformi? „Þegar maður er með íþróttalegan bakgrunn er það mögulegt. Eins og í mínu tilviki æfi ég mikið. Það helst í hendur að fá útrás í ræktinni, vilja líta vel út og vera í lagi," svarar Þorgrímur.

„Ég hef þann metnað að vera í góðu standi líkamlega og andlega."

„Það kallast kannski hégómi en þetta er standard sem ég hef gaman af að hafa og ég skammast mín ekkert fyrir það," segir afmælisbarnið.