Gert að upplýsa um seljandann

Hæstiréttur hefur fallist á kröfu manns um að formaður skilanefndar SPRON upplýsi hann um það fyrir dómi hver seldi honum stofnfjárbréf í SPRON árið 2005 fyrir 55,5 milljónir króna.

Skömmu eftir að maðurinn keypti bréfin var sjóðnum breytt í hlutafélag, bréfin hríðlækkuðu og maðurinn tapaði stórfé. Eftir að skilanefnd var sett yfir bankann fór hann fram á það við nefndina að fá að vita hver seldi honum bréfin. Grunaði hann að seljandinn hefði verið stjórnarmaður í sjóðnum og hefði nýtt sér innherjaupplýsingar.

Hæstiréttur hefur nú fallist á það. - sh