Netabátur varð aflvana við Skagaströnd

Björgunarsveitin Strönd á Skagaströnd var kölluð út fyrir rúmri klukkustund vegna 200 tonna netabáts sem er aflvana um 18 sjómílur vestan Skagastrandar, eða rétt við Gjögur á Ströndum. Er báturinn með veiðarfæri í skrúfunni. Um 6-8 manns eru um borð.

Í tilkynningu frá Slysavarnafélaginu Landsbjörgu kemur fram að björgunarskipið Húnabjörg er rétt að koma að bátnum en ekki er talin vera mikil hætta á ferðum. Veður á svæðinu er þó ekki gott, um 12-15 metrar á sekúndu.

Húnabjörgin mun væntalega draga netabátinn til hafnar á Skagaströnd. Búist er við að verkið taki um fjórar klukkustundir.