Kengúrur valda flestum slysum

Kengúrur og valla­-bíur eru helsta ógnin við bílstjóra í dreifbýli Ástralíu, samkvæmt nýrri rannsókn. Þar voru teknar saman upplýsingar frá 1996 til 2005 um árekstra á vegum úti í Ástralíu, þar sem dýr komu við sögu.

Rannsóknin leiddi í ljós að þótt vissulega hafi árekstrar orðið af völdum hunda, nautgripa, emúa og vamba séu kengúran, þjóðar­táknið skoppandi, og vallabían, smærra afbrigði kengúru, skæðastar í þessum efnum.

Dýr komu við sögu í 5.097 bílslysum og óhöppum á tímabilinu sem um ræðir. Í 40 prósentum allra tilfella var um kengúrur eða valla­­bíur að ræða, þar af í 60 prósentum dauðaslysa.

- bs