Kristín Ýr markadrottning

Eftir leiki dagsins í lokaumferð Pepsi-deildar kvenna er ljóst að það er Kristín Ýr Bjarnadóttir, leikmaður Vals, sem hlýtur gullskóinn í deildinni.

Kristín Ýr og Rakel Hönnudóttir, Þór/KA, voru jafnar fyrir lokaumferðina með 23 mörk hvor. Hvorugri tókst þó að skora í lokaumferðinni.

Markahæstu leikmenn Pepsi-deildar kvenna:

1. Kristín Ýr Bjarnadóttir, Valur 23 mörk

2. Rakel Hönnudóttir, Þór/KA 23*

3. Mateja Zver, Þór/KA 20

4. Fanndís Friðriksdóttir, Breiðabliki 16

4. Björk Gunnarsdóttir, Stjörnunni 16

6. Anna Björg Björnsdóttir, Fylki 15

7. Rakel Logadóttir, Val 13

8. Danka Podovac, Fylki 13

9. Dóra María Lárusdóttir, Val 11

* Rakel hefur leikið fleiri mínútur í sumar og fær því silfurskóinn.