Enskukennari dæmdur fyrir vörslu barnakláms

Fimmtugur enskukennari í menntaskóla á höfuðborgarsvæðinu var dæmdur fyrir að hafa haft undir höndum barnaklám.

Lögreglan lagði hald á tölvu mannsins í júní á síðasta ári en þar fundust 80 ljósmyndir og 88 hreyfimyndir sem sýndu börn á kynferðislegan og klámfenginn hátt. Þá fannst einnig VHS myndband sem innihélt barnaklám.

Málinu lauk með dómssátt í Héraðsdómi Reykjavíkur í morgun en honum er gert að greiða 250 þúsund króna sekt, auk þess sem barnaklámið og tölva mannsins voru gerð upptæk.