Ívari Guðmunds rænt úr Smáralind - myndir

Athygli vekur að í Hagkaup Smáralind er pappaútgáfa af Arnari Grant líkamsræktarfrömuði en félagi hans Ívar Guðmundsson sem vanalega stendur honum við hlið er hvergi sjáanlegur. Félagarnir létu útbúa auglýsingaskilti þar sem þeir stilla sér upp hjá heilsudrykk sem þeir selja í eigin nafni.

Ekkert hefur spurst til Ívars og enginn starfsmaður verslunarinnar kannast við að hafa séð fólk bera pappaútgáfuna af honum út úr versluninni.

Af hverju var þér rænt en ekki Arnari Grant? „Já þetta er góð spurning. Við höfum ekki alveg komist að neinni eðlilegri niðurstöðu í því efni en hefðum gaman af því að vita hvar hún er ef einhver þarna úti veit það," segir Ívar.

Meðfylgjandi má sjá myndir af Ívari stilla sér upp hjá auglýsingaskiltinu af Arnari Grant.