Fréttir af andláti ríkisstjórnarinnar stórlega ýktar

Mótmælendur á Austurvelli ærðust af fögnuðu þegar einn þeirra hrópaði yfir hópinn að ríkisstjórnin væri fallin. Að sögn fréttamanns Vísis hófust þá mikil fagnaðarlæti þar sem söngvar á borð við „Ole, Ole, Ole" voru kyrjaðir.

Tóku nokkrir sig þá til og kveiktu í bol með mynd af Geir H. Haarde í svínslíki framan á.

Eftir um 10 mínútur tók rithöfundurinn Hallgrímur Helgason til máls og tilkynnti viðstöddum að fregnir af andláti ríkisstjórnarinnar væru ekki réttar.

Á viðstöddum mátti lesa mikil vonbrigði en fljótlega hóf fólkið aftur að hrópa slagorðið „Vanhæf ríkisstjórn."