Umfjöllun: Eyjamenn hirtu stigin þrjú í hávaðaroki á Hásteinsvelli

ÍBV vann sinn fjórða leik í röð í Pepsi-deild karla í kvöld þegar Þróttur kom í heimsókn á Hásteinsvöll en Eyjamenn hafa ekki tapað í síðustu sex leikjum sínum í deildinni.

Þróttarar mættu á Hásteinsvöll í Vestmannaeyjum við vægast sagt erfiðar aðstæður. Vindurinn mældist 22 m/s og varla hægt að spila fótbolta.

Vindurinn var austanstæður og hafði það þau áhrif að vindurinn blés beint á annað markið og hafði því gríðarleg áhrif á leikinn.

Eyjamenn byrjuðu með vindinn í bakið og nýttu sér það með því að skora á 17 mínútu. Það var Augustine Nsumba sem skoraði eftir góða sendingu frá Pétri Runólfssyni.

Þróttarar áttu í miklum erfiðleikum í sóknarleik sínum en þeir lágu aftarlega og reyndu að keyra hratt upp þegar færi gafst.

Leikmenn ÍBV voru mun hættulegri en náðu ekki að bæta öðru marki við en Tony Mawejje áttu gott skot fyrir utan teig sem fór í innanverða þverslána.

Þá náðu Þróttarar að bjarga á línu eftir skalla frá Andra Ólafssyni sem fylgdi aukaspyrnu Christopher Clements eftir.

Seinni hálfleikurinn var frekar tilþrifalítill. Þróttarar áttu erfitt með að skapa sér færi undan vindinum og eyjamenn greinilega vanir að spila í miklum vindi og áttu töluvert auðveldara með að spila á móti honum heldur en Þróttararnir.

Tölfræðin:

ÍBV-Þróttur 1-0

1-0 Agustine Nsumba (17.).

Hásteinsvöllur. Áhorfendur: Óuppgefið

Dómari: Þóroddur Hjaltalín (6)

Skot (á mark): 16-9 (8-7)

Varin skot: Albert 5 - Henryk 3.

Horn: 9-3

Aukaspyrnur fengnar: 5-6

Rangstöður: 3-1

ÍBV (4-5-1):

Albert Sævarsson 5

Christopher Clements 6

Þórarinn Ingi Valdimarsson 5

*Andri Ólafsson 7 - Maður leiksins

Pétur Runólfsson 6

Tony Mawejje 6

(90., Egill Jóhannsson -)

Arnór Eyvar Ólafsson 5

Augustine Nsumba 7

(84., Bjarni Rúnar Einarsson -)

Gauti Þorvarðarson 4

(65. Viðar Örn Kjartansson 4)

Eiður Aron Sigurbjörnsson 6

Ajay Leitch-Smith 6

Þróttur (4-4-2):

Henryk Forsberg Boedker 6

Hallur Hallsson 4

(89., Ingvi Sveinsson -)

Þórður Steinar Hreiðarsson 4

Oddur Ingi Guðmundsson 3

(71., Morten Smidt -)

Andrés Vilhjálmsson 5

Rafn Andri Haraldsson 4

Dennis Danry 6

Kristján Ómar Björnsson 5

Jón Ragnar Jónsson 4

Hafþór Ægir Vilhjálmsson 5

Dusan Inkovic 5

Leiknum var lýst beint á Boltavakt Vísis og Fréttablaðsins. Til þess að fylgjast með lýsingunni þarf að smella hér: ÍBV - Þróttur

Boltavaktina má einnig nálgast á Vodafone Live! farsímaþjónustunni.