Selur nýra til að greiða húsaleigu

Fimmtugur maður í Pakistan er tilneyddur að selja úr sér annað nýrað til að standa í skilum með húsaleigu og mun hann gangast undir aðgerð fljótlega. Salan brýtur reyndar í bága við lög sem sett voru árið 2007 og banna sölu líffæra. Lagabókstafurinn virðist þó ekki koma í veg fyrir slíka sölu þar sem fjöldi fátækra Pakistana hefur selt líffæri sín síðan þau voru sett. Maður, sem seldi annað nýra sitt í fyrra til að greiða upp lán, segist hafa átt um tvennt að velja, annaðhvort að selja eitt barna sinna eða nýrað. Af tvennu illu varð nýrað fyrir valinu.