Icesave líklega samþykkt í dag

Árni Þór Sigurðsson, fulltrúi VG í fjárlaganefnd, telur allt eins líklegt að frumvarp um ríkisábyrgð vegna Icesave verði samþykkt á Alþingi í dag.

Frumvarpið var afgreitt úr fjárlaganefnd í fyrradag með stuðningi allra aðila nefndarinnar nema Höskuldar Þórhallssonar, þingmanns Framsóknarflokksins.

Fundur þingflokksformanna hófst klukkan hálf tíu og segir Árni að á fundinum verði reynt að ná samkomulagi um fyrirkomulag umræðunnar í dag en þingfundur hefst klukkan hálf ellefu. Þá hefst þriðja og jafnframt lokaumræða um frumvarpið. Árni bendir á að ræðutími sé mun takmarkaðri í þriðju umræðu heldur en annarri umræðu.