Söngvarinn útskrifaður af gjörgæsludeild

15. maí 2009 12:31

Bandaríski tónlistarmaðurinn og söngvarinn Duncan McKnight sem féll úr glugga á Skólavörðustíg fyrir rúmri viku hefur verið útskrifaður af gjörgæsludeild. Hann liggur nú á heila- og taugaskurðdeild og er á batavegi að sögn læknis.

Duncan var um tíma í öndunarvél en hann féll úr glugga á þriðju hæð hússins og er talið að hann hafi verið að reyna að klifra á milli glugga þegar slysið varð. Hann hlaut töluverða innvortis áverka auk þess sem hann höfuðkúpubrotnaði.

Tengdar fréttir

Viðtal við The Virgin Tongues: Rokk og ról byrjaði ekki með Elvis

Eins og greint hefur verið frá í fréttum slasaðist söngvari bandarísku hljómsveitarinnar The Virgin Tongues alvarlega að morgni síðastliðins föstudags þegar hann féll út um glugga á fjórðu hæð húss við Skólavörðustíg. Söngvarinn Duncan McKnight er haldið sofandi í öndunarvél á Landspítalanum og segja læknar líðan hans stöðuga. Til stóð að sveitin spilaði með íslensku sveitinni Singapore Sling á laugardagskvöldið en af því varð auðvitað ekki. Í staðinn hljóp önnur sveit í skarðið og voru haldnir styrktartónleikar fyrir Duncan. Fréttablaðið birti um þarsíðustu helgi viðtal við meðlimi sveitarinnar og fer það hér á eftir:

4. maí 2009 16:35

Líðan Duncans stöðug

Líðan bandaríska tónlistarmannsins Duncan McKnight sem féll út um glugga íbúðar við Skólavörðustíg á föstudagsmorgun er stöðug og er honum enn haldið sofandi.

3. maí 2009 12:12

Duncan kominn úr öndunarvél

Bandaríski tónlistarmaðurinn Duncan McKnight sem féll af húsþaki á Skólavörðustíg fyrir rúmri viku er enn á gjörgæsludeild en er þó kominn úr öndunarvél.

9. maí 2009 12:16

Söngvari The Virgin Tongues slasaðist á Skólavörðustígnum

Söngvari bandarísku hljómsveitarinnar The Virgin Tongues, Duncan McKnight, slasaðist lífshættulega þegar hann féll ríflega tíu metra niður af þaki fjögurra hæða húss við Skólavörðustíg í gærmorgun. Honum var í gærkvöldi haldið sofandi í öndunarvél á gjörgæsludeild Landspítalans.

2. maí 2009 08:00

Söngvarinn lífshættulega slasaður

Bandarískur tónlistarmaður sem féll af þaki húss við Skólavörðustíg í gærmorgun er mikið slasaður og enn í lífshættu.

2. maí 2009 12:18

Ástand Duncans óbreytt

Ástand bandaríska tónlistarmannsins Duncan McKnight sem féll út um glugga á Skólavörðustígnum á föstudagsmorgun er óbreytt og er honum enn haldið sofandi í öndunarvél á Landspítalanum. Við fallið hlaut hann höfuðkúpubrot og innvortis áverka.

4. maí 2009 10:06