Íranar grunaðir um að lauma tækjum gegnum Taívan

Embættismenn Sameinuðu þjóðanna rannsaka nú vísbendingar um að Íranar noti fyrirtæki í Taívan til að smygla búnaði í kjarnorkusprengjur til Írans. Nýleg gögn ýmissa leyniþjónusta benda til þess að embættismenn frá íranska varnarmálaráðuneytinu hafi átt marga fundi með yfirmönnum þessara fyrirtækja og meðal annars samið þar um kaup á mörg hundruð einingum af sérstökum þrýstibúnaði sem meðal annars má nota til að framleiða úran á því stigi sem nothæft er til kjarnavopna.