Undirbýr sig fyrir Playboy-tökuna

„Það gengur mjög vel. Ég er að fara í töku hjá ljósmyndara sem heitir Toni Miret," svarar Ornella Thelmudóttir fyrirsæta sem er stödd í Barselóna þegar Vísir spyr hana frétta.

„Hann hefur myndað fyrir Gucci, Aramani, Nina Ricci og unnið með Elite skrifstofunni í einhvern tíma. Hann er ljósmyndari og fatahönnuður."

„Það er fátt betra en að geta setið fyrir hjá svona stórum manni þegar maður er módel," segir Ornella.

„Playboy-takan verður tekin upp í næsta mánuði í Bretlandi svo að þetta er allt að koma saman," segir Ornella.

„Annars er ég bara að njóta þess að vera hér. Ég fer í „casting" eða prufur nánast á hverjum degi. En síðan eftir það er maður bara nokkuð frjáls hérna."

„Ég er auðvitað búin að kynnast hinum módel stelpunum hérna. Við erum fjórar saman og hittumst eftir vinnu, förum út að borða og versla og svona. Þetta er bara gaman," segir Ornella að lokum áður en kvatt er.

Sjá heimasíðu ljósmyndarans Toni Miret hér.