Ásgeir Aron í þriggja leikja bann

Ásgeir Aron Ásgeirsson, leikmaður Fjölnis, var í gær dæmdur í þriggja leikja bann af aga- og úrskurðarnefnd KSÍ.

Ásgeir fékk að líta sitt þriðja rauða spjald í leik Fram og Fjölnis í síðustu viku og er þegar búinn að taka út einn leik í banninu.

Tómas Leifsson, félagi hans hjá Fjölni, var dæmdur í eins leiks bann vegna fjögurra gulra spjalda en hann er þegar búinn að taka út sína refsingu þar sem hann var ekki með Fjölni gegn Breiðabliki um helgina.

Jón Guðni Fjóluson, leikmaður Fram, verður ekki með sínum mönnum gegn Þrótti í lokaumferðinni þar sem hann fékk að líta sína fjórða áminningu í sumar í leik Fram gegn Grindavík um helgina.

Fylkismennirnir Halldór Arnar Hilmisson og Valur Fannar Gíslason verða ekki með Fylki gegn FH um helgina. Halldór fékk rautt í leik Fylkis gegn ÍBV um helgina og Valur Fannar fékk að líta sitt tíunda gula spjald í sumar í þeim leik.

Valur Fannar er af þeim sökum dæmdur í tveggja leikja bann og missir því af fyrsta leik Fylkis á næsta tímabili einnig.

Grindvíkingarnir Óskar Pétursson og Zoran Stamenec fengu báðir eins leiks bann og missa af leik sinna manna gegn Breiðabliki í lokaumferðinni. Óskar fékk rautt í leik Grindavíkur um helgina og Stamenec sitt sjötta gula spjald í sumar.

Pétur Runólfsson, ÍBV, var einnig dæmdur í bann vegna sex gulra spjalda og Keflvíkingarnir Einar Orri Einarsson og Guðjón Árni Antoníusson vegna fjögurra gulra spjalda.

Atli Sveinn Þórarinsson, leikmaður Val, fékk sitt áttunda gula spjald í sumar gegn FH á sunnudaginn og var því dæmdur í tveggja leikja bann. Baldur Ingimar Aðalsteinsson fékk fjórðu áminningu sína í leiknum og var dæmdur í eins leiks bann.