Á kafi í efnahagsbrotum

Dönsk skatta­yfirvöld hafa síðustu misseri flett ofan af fleiri tugum umfangs­mikilla efnahagsbrota, sem tengjast undanskoti á skatti.

Dagblaðið Politiken greindi frá því í gær að mörg málanna frá danska skattinum strönduðu hjá lögreglu vegna skorts á fjármunum og sérhæfðu starfsfólki. Fram kemur að það sem af er ári hafi skatturinn sent 102 mál í ákærumeðferð, ýmist til ríkissaksóknara eða sérstaks saksóknara sem fer með efnahagsbrot. Ákæruvaldinu hefur hins vegar ekki tekist að koma frá sér nema 28 málum á sama tíma. - óká