Viðbjóðslegur íslenskur matur

Íslenskur hákarl er talinn meðal tuttugu viðbjóðslegustu rétta heims í samantekt breska blaðsins Daily Telegraph.

Meðal annarra rétta má nefna steiktar Tarantúla kóngulær sem eru borðaðar í Kambódíu. Rottur á banana-laufblaði,  eru  vinsæll réttur í Vietnam.

Í Japan borða menn gjarnan lifandi kolkrabba.  Vesturlandabúar sem hafa séð til, segja að það sé átakanlegt að sjá kolkrabbana vegja örmum sínum um matarprjónana til að reyna að komast hjá því að vera étnir.

Balut egg eru svo vinsæl á Filipseyjum. Þau eru stundum kölluð egg með lappir. Það eru stropuð egg sem eru soðin og unginn svo étinn upp úr skelinni með fjöðrum og öllu saman.

Í Daily Telegraph er verkun á hákarlinum lýst þannig að tekið sé innan úr honum og hann svo settur í gryfju og sandi og möl hrúgað yfir.

Þar sé hann látinn verkast í þrjá mánuði. Þá sé hann skorinn í bita og látinn hanga í nokkra mánuði til viðbótar.