Gunnar Már: Viðræður í gangi

Gunnar Már Guðmundsson segir að hann hafi átt í viðræðum við FH-inga um að ganga til liðs við félagið eftir að tímabilinu lýkur.

Gunnar Már vildi annars lítið láta hafa eftir sér um málið en sagði þó að það væri líklega meira að frétta strax í byrjun næstu viku.

Hann er á mála hjá Fjölni sem mætir Stjörnunni í lokaumferð Pepsi-deildar karla á morgun. Allar líkur eru á að það verði hans síðasti leikur með Fjölnismönnum.

Samkvæmt heimildum Vísis munu Fjölnismenn vera afar sáttir við sinn hlut og reiðubúnir að leyfa Gunnari að fara.