Tannfyllingar Hitlers úr gyðingum

Fyllingar í tönnum Adolfs Hitler, leiðtoga þýska nasistaflokksins á fjórða og fimmta áratug síðustu aldar, voru gerðar úr gulli sem fjarlægt hafði verið úr tönnum gyðinga í útrýmingarbúðum nasista. Þetta kemur fram í nýrri bók sagnfræðingsins Henriks Eberle sem segist hafa öruggar heimildir fyrir því að Hugo Blaschke, tannlæknir Hitlers, hafi haft tæp sex kílógrömm af tannfyllingum úr gulli í vörslum sínum og hafi mátt rekja uppruna fyllinganna til útrýmingarbúða nasista í Póllandi og Þýskalandi. Gullið á Blaschke svo að hafa notað í tannfyllingar ýmissa fyrirmanna nasistaflokksins.