Segja Bretland á leið út úr kreppunni

Breska hag- og félagsfræðistofnunin lætur í veðri vaka að Bretland sé að sigla út úr kreppunni á ný. Þetta sýni hagvöxtur í maí, júní og júlí. Í tilkynningu frá stofnuninni segir að hagvöxtur í framleiðslugeiranum hafi ekki verið meiri í eitt og hálft ár, vinnumarkaðurinn sé að ná sér á strik og neytendur séu farnir að hegða sér líkt og þeir gerðu áður en niðursveiflan skall á hagkerfi landsins. Þessar niðurstöður ættu að kæta fjármálaráðherrann Alistair Darling sem hefur lengi haldið því fram opinberlega að hagvaxtar færi að gæta á ný fyrir áramót.