Lífið

Gillz slátrað á Rúbín

Dj Sóley var hugsi yfir spilunum sem hún fékk í þessari gjöf og velti vöngum yfir því hvað væri næsta skref í stöðunni.
Dj Sóley var hugsi yfir spilunum sem hún fékk í þessari gjöf og velti vöngum yfir því hvað væri næsta skref í stöðunni. MYND/Fréttablaðið/Anton
Agli „Störe" Einarssyni tókst ekki að sýna sitt rétta andlit á pókermóti veðmálafyrirtækisins Betsson sem fram fór á Rúbín um helgina. Fjöldi þekktra einstaklinga tók þátt í mótinu.

Til mikils var að vinna en þrír efstu fengu farseðil til Portúgals og þátttökurétt á stóru móti sem fram fer á Estoril-spilavítinu. Egill „Gillz" Einarsson og Auðunn Blöndal eru þegar komnir þangað sem sérstakir boðsgestir Betsson en sá fyrrnefndi átti ekki mikilli lukku að fagna á laugardaginn og var meðal þeirra fyrstu sem datt út.

Auðunn Blöndal telur þetta engu að síður lítið áhyggjuefni fyrir liðið og fannst mótið bara fín æfing fyrir stóru stundina í Portúgal. Sjálfum gekk honum ágætlega á mótinu og sat við spilaborðið frá klukkan ellefu um morguninn til fimm um daginn. „Ég var mjög óheppinn með spil þegar ég datt út," útskýrir Auðunn en meðal annarra þekktra á mótinu má nefna tískudrottninguna Svövu Johansen og Dj Sóleyju og stóðu þær sig með stakri prýði. „Þetta var bara gríðarlega vel heppnað," bætir Auðunn við.- fgg

íbyggin á svip Svava sýndi mikla keppnishörku á mótinu á Rúbín og stóð upp í hárinu á mótspilurum sínum.
Sáttur við frammistöðuna Auðunn var nokkuð sáttur við sína frammistöðu á mótinu en hann fer til Portúgals og keppir á stóru móti þar.


lítið gekk upp Fátt gekk upp hjá Agli Gillz Einarssyni á mótinu og hann var meðal fyrstu manna til að detta út.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.