Íslensk Playboyfyrirsæta umvafin stórstjörnum

„Mér var reyndar boðið til Miami," segir Ornella Thelmudóttir fyrirsæta aðspurð frétta.

„Mér var boðið að fara þangað á tískusýningar þar sem Olsen systurnar sýndu línuna sem þær eru með og Lauren úr Hills þáttunum var líka með „show" og margir aðrir," segir Ornella.

„Það er mikill heiður að fá að fara og vera boðið allt þetta. Maður getur ekki kvartað að vera kominn inní svona hóp," segir Ornella.

„Þessi kokteilboð eru mjög stíf boð með fullt af fólki sem er að vinna hjá eða eiga stórfyrirtæki eins og Vogue og annað. Maður þarf að spjalla við alla og koma vel fram. Tilgangurinn er nú auðvitað til þess að kynnast og fyrir þau er þetta góð leið til þess að finna módel sem passa kannski í verkefnin þeirra sem þau eru að fara að gera eins og auglýsingar í blöð og annað," segir Ornella.

„Ég er búin ad hitta Olsen systurnar og sá flest allar stelpurnar sem leika í The Hills þáttunum. Osbourne konan og stelpan hennar voru þarna og dóttir Elvis Presley líka. Fullt af Hollywood-liði," segir Ornella.

„Annars er ég að gera mig tilbúna fyrir Playboy. Ég fer í ræktina og held mér þannig í formi. Það er bara gaman að því. Síðan var mér boðið að fara til Las Vegas í sumar á Playboyhótelið. Ég fæ svítu ef ég vil. Ekki slæmt," segir Ornella hlæjandi.

„En ég sé bara til. Ekki væri verra að taka vinkonurnar með," bætir hún við.

Ornella verður mynduð léttklædd fyrir breska Playboy tímaritið í þessum mánuði.