Innlent

Framsóknarboð Óskars enn til umræðu

Óskar Bergsson, borgarfulltrúi Framsóknarflokksins og formaður borgarráðs.
Óskar Bergsson, borgarfulltrúi Framsóknarflokksins og formaður borgarráðs.

Umdeild móttaka sem Óskar Bergsson, borgarfulltrúi Framsóknarflokksins, hélt fyrir rúmlega 30 flokksystkini sín á kostnað borgarinnar í nóvember var til umræðu á fundi borgarstjórnar í dag.

Skrifstofa borgarstjóra hefur gert yfirlit yfir móttökur á vegum borgarinnar frá því í janúar 2004. Í ræðu sinni fór Óskar yfir fyrri veislur og móttökur á vegum borgarinnar og sagði þær sambærilegar við þá sem haldinn var á hans vegum í nóvember. Að auki hafi fulltrúar minnihlutaflokkanna á fundi forsætisnefndar í byrjun nóvember ekki gert athugasemdir við fyrirhugaða móttöku.

Dagur B. Eggertsson, oddviti Samfylkingarinnar, sagði að það væri rangt. Hann og Svandís Svavarsdóttir, oddviti Vinstri grænna, hafi þvert á móti gert alvarlega athugasemdir við það. Auk þess sagði Dagur að málið hafi ekki verið lagt fram til samþykktar heldur til kynningar í forsætisnefnd borgarstjórnar.








Tengdar fréttir

Óskar gagnrýndur af flokksbróður

Friðrik Jónsson, formaður Framsóknarflokksins á Akranesi og frambjóðandi um oddvitasæti flokksins í Norðvesturkjördæmi, gagnrýnir harðlega Óskar Bergsson, flokksbróður sinn og formann borgarráðs, fyrir að hafa sýnt dómgreindarskort vegna móttöku sem hann hélt fyrir framsóknarmenn í Ráðhúsinu og varðandi málefni Eyktar.

Óskar fékk leyfi forsætisnefndar fyrir framsóknarboði

Borgarfulltrúi Framsóknarflokksins, Óskar Bergsson lagði fram ósk á fundi forsætisnefndar borgarstjórnar á síðasta ári um að fá að halda gestamóttöku fyrir sveitarstjórnarfulltrúa Framsóknarflokksins. Það var samþykkt þann fjórða nóvember af nefndinni en það voru þeir Vilhjálmur Þ. Vilhjálmsson, Dagur B. Eggertsson og Gísli Marteinn Baldursson sem samþykktu beiðni Óskars og reyndar fleiri móttökur.

Framsóknarboð Óskars: Braut engar reglur

Óskar Bergsson formaður borgarráðs segir engar reglur hafa verið brotnar þegar hann hélt móttöku fyrir sveitastjórnarfulltrúa framsóknarflokksins sem sátu ráðstefnu á vegum flokksins í Ráðhúsinu. Hann segir engar athugasemdir hafa verið bókaðar í forsætisnefnd vegna málsins og heyrði fyrst af þeim í dag. Hann vill ekki svara því til hvort hann ætli að segja af sér vegna málsins.

Dagur og Svandís gagnrýndu veisluhöld Óskars

Borgarfulltrúi Samfylkingarinnar, Dagur B. Eggertsson, segist hafa gagnrýnt áform Óskars Bergssonar vegna fundar sem hann hélt með sveitarstjórnarfulltrúum Framsóknarflokksins í Ráðhúsinu.

Hélt að hætt hefði verið við framsóknarboð Óskars

Svandís Svavarsdóttir oddviti Vinstri grænna í borgarstjórn segist hafa gert athugasemdir í forsætisnefnd við fyrirhugaða móttöku Óskars Bergssonar fyrir sveitastjórnarfulltrúa framsóknarflokksins. Hún lét hinsvegar ekki bóka neitt um málið og hélt að af mótökunni yrði ekki. Aðspurð um svipaða móttöku sem hennar flokkur hélt árið 2004 segist Svandís ekki hafa átt sæti í borgarstjórn á þeim tíma en segir að skerpa þurfi á reglum um móttökur á vegum borgarinnar.

Mest lesið


Fleiri fréttir

Sjá meira


×

Mest lesið