Svifryk yfir mörkum í borginni

Líkur eru á að styrkur svifryks verði yfir mörkum í Reykjavík í dag. Áfram er spáð hægum vindi og þurrviðri í vikunni og líkur eru á svifryksmengun næstu daga. Sökum hlýviðris er ekki hægt að rykbinda umferðagötur, að fram kemur á vef umhverfis- og samgöngusviðs Reykjavíkurborgar. Þeir sem eru með viðkvæm öndunarfæri er ráðlagt að taka tillit til þessa og forðast helstu umferðargötur.

„Sólarhringsmörk svifryks (PM10) eru 50 míkrógrömm á rúmmetra en mælist núna 53. Hæsta hálftímagildið í dag mældist 118 á Grensásvegi. Sjá má gula mengunarslikju yfir borginni þegar horft er vestur. Hún stafar af útblæstri köfnarefnissambanda frá bifreiðum," segir á vef sviðsins.

Samkvæm reglugerð má svifryk fara 12 sinnum yfir heilsuverndarmörk árið 2009. Á sólarhring hefur það farið 15 sinnum yfir heilsuverndarmörk.